ஒரு மகனின் பிதற்றல்
அம்பா …………………………..
மீ சல்லேத் ஸே!
தொரெ வத்தான் மொரெ காணும் பொல்லேத் ஸே.
தீ வத்தானுன் ஐக்குதோ ஐக்குதோ பெலி ஸ்ரேஸ்டுகன் லகரேஸ்!
தீ வத்தானுன் ஐகுத ஐகுதொ பெலி இன்புகன் லகரேஸ்.
தீ வத்தானுன் ஐகுத ஐகுதொ பெலி குள்ளெகன் லகரேஸ்.
குள்ளெ ….. குள்ளெ ….. காண்போர் ஒண்டே குள்ளேஸ்.
தொரெ வத்தானுன் ஒண்டெ ஒண்டெ இக்கெ சொகட் ஸே.
அம்பா ………………………………
ரியதி மெள்ளி ……. தொரெ பெடோ ஹொய மீ அங்குன் தொரெ
தோண் ஸீரெநி.
தோண் ஸீரெநி.
அங்குன் தொரெ உரு ஸீரெநி.
அம்பா …………..
இக்கெ ஸிங்கார்கன் வத்தகெரரியொ தூ அங்குன் இக்கெ ஸிங்கார்கன்ராய்
……. ஹொயத் மெள்ளி ……….
அவ்ரெ பொள்டமுனும் தமிழ் மாயி உரு களடராஸ் ……
பொர்ங்கிமாயி உரு
தெக்கடராஸ் …………….
தேசிய மாய் மெநாநா தெல்லெ ஹிந்தி மாயி உரு மெல்லி ஸிக்கட்தேராஸ்.
அங்குன் ஸுந்துர் தடி ஸேத்தெ பிரான்ஸ் ..ஜெர்மனி ஜப்பான் மெனி
காய் காய் தேஸு பாஷா மாயிந் உரு பூராக் களடராஸ்
…. ஹொயதி மெல்லி …………
அம்பா ……………
காம்போர் ஸேத்தெ ஸௌராஷ்ட்ர பொள்டமுநும் தீ அம்கொ தொரெ உரு ஸிக்கடி
…. தெக்கடி களடன்கா?
தீ கால் அவய்யா
?
கொப்போ அம்பா …… மீ தொக தொளொபோர் ஸீ ஸொம்பு பொந்தத்த திந்நு
கொப்ப அவய்?
தேவூ …….கீஷ்டு தேவூ ……தூ தீ ருவ்வொ அநுக்ரஹம் கேர் பா !
மொக …… ஹந்நவ் நொக்க … கேர் தார் நொக்க ……மொரெ மாயி தோண் ஸாத்தக்
தீ அநுக்ரஹம் கேர்பா…………
வந்தில் ஜியெந்.
No comments:
Post a Comment